Swaprem

Ki aksar mai apne aap se puchti hoon
Ke kon hoon main
Wo jo shaant hai par wo behti hui paani ki dhaara bhi hai
Jiska ek maksad hai
Ek mukaam jise haasil karna hai
Ek zid hai
Kuch banna hai apne liye
Kuch karke dikhana hai
Ya wo jo choti si baatoon par ghabra jaati hai
Par kuch hi der mai
Ek majboot insaan hone ka subut deti hai
Aur sahi faisla leti hai
Ek din ye sochte sochte
Maine jaana
Mai dono hoon
Mai sab kr skti hoon
Mai hasti hoon,roti hoon
Mere mai zid hai,jazba hai
Mai jaise bhi hoon aur kyu mai apne aapki dusron se tulna karoon
Mai jaise hoon achhi hoon
Kisi ke dhaal mai nhi dhalna mujhe
Mai achhi hoon aur khush hoon

~Amita Sharma

Instagram:_amitasharma___